Seinasta umfar av Boccia Grand Prix mikudagin

Tað er spenningur í luftini undan seinasta umfari í ársins Boccia Grand Prix. Tað er púra javnt í oddinum, har René, Elvin og Ísakur liggja við 26, 26 og 24 stigum.

Hetta er 10. árið, at leikt verður um ferðasteypin. Tað samstundis síðstu ferð, at leikast skal um júst hendan steypin. Tann, sum eftir ársins kapping hevur vunnið steypin oftast, fær steypin til ognar. Sum nú er, er tað einans René, sum kann vinna steypin til ognar, tí hann hevur frammanundan vunnið hann tvær ferðir. Gerst hann nummar eitt í ár, so vinnur hann steypin til ognar. Vinna hinvegin Elvin ella Ísakur kappingina, so skal leikast aftur um sama steyp komandi ár og líka til ein hevur vunnið steypin samanlagt tríggjar ferðir.
Vit byrja at kappast í fimleikahøllini á Glyvrum mikudagin kl 16:00, og øll eru vælkomin – eisini at heppa.
Samstundis er hetta endin á kvøldskúlavetrinum. Jóhan og Dan takka øllum fyri í ár.

Onnur tíðindi