Theodor Esmar vann 3. umfar!

Spenningur eftir 3. umfar í boccia grand prix! Vinnarin frá í fjør, Theodor Esmar, vann sína fyrstu kapping í ár, og legði seg harvið út í kappingina um meistaraheitið, nú einans eitt umfar er eftir at leika.

Undirtøkan til kappingina mikudagin var heldur lítil. Men tey 17, sum luttóku, leiktu eina spennandi kapping. Undan kappingini mikudagin, lá Tórður Hjalt Jacobsen á odda í samlaðu kappingini. Hann leikti aftur eina fína kapping hesaferð, men mátti lúta fyri Theodor Esmari í finaluni. Harvið er Tórður framvegis á odda í kappingini. Hann hevur 24 stig. Á øðrum plássi liggja nú Theodor Esmar og Elvin við 21 stigum hvør.
Merkisvert er, at René, sum má metast at vera ein av allar sterkastu leikarunum í Føroyum, liggur á 4. plássi við 18 stigum. Tí skal nógv passa saman, um hann skal vinna kappingina.
Yvirlit yvir støðuna er at finna undir Svana Grand Prix her á síðuni.
Onnur tíðindi