Spennandi triðja og seinasta umfar í Grand Prix varð avreitt í Glyvra skúla mikudagin. Undan hesum seinasta umfarinum lá Joanna á odda, tí hon hevði staðið seg sera væl í tveimum teimum fyrstu umførunum. Mikudagin møtti hon Joen Jacob í fjórðingsfinaluni. Eftir sera gott spæl endaði tað við, at ein vælleikandi Joen Jacob vann á Joannu, sum tí mátti taka til takkar við 5 stigum.
Ein annar, sum gjørdi um seg, var Ísak. Hann vann seg heilt í finaluna við fyrst at vinna tveir dystir við brotskøstum.
Í finaluni dró Marta longra stráið, og fekk tí 10 stig, sum eisini avgjørdu ársins Boccia Grand Prix. Samlaða úrslitið gjørdist, at Marta gjørdist nummar 1, Joanna nummar 2 og Miriam nummar 3.
Hjartaliga til lukku tit tríggjar.
Samstundis er ítróttaárið eisini liðugt. Vit takka fyri í ár og vóna, at vit øll síggjast aftur í heyst til eitt nýtt ítróttaár og fleiri bocciakappingar.
Við svanakvøðu
Rúna, Jóhan og Dan
Nummar | Leikari | 1.umfar – stig | 2. umfar – stig | 3. umfar – stig | Stig íalt |
1 | Marta | 5 | 10 | 10 | 25 |
2 | Joanna | 10 | 9 | 5 | 24 |
3 | Miriam | 8 | 5 | 9 | 22 |
4 | Joen Jacob | 9 | 2 | 8 | 19 |
4 | Ísak | 5 | 5 | 9 | 19 |
6 | Eli | 0 | 8 | 5 | 13 |
7 | Sjúrður | 2 | 5 | 5 | 12 |
8 | Elvin | 7 | 2 | 2 | 11 |
9 | Ann | 5 | 5 | 0 | 10 |
10 | Tordur | 0 | 7 | 0 | 7 |
10 | Tanja | 5 | 0 | 2 | 7 |
12 | Jacob | 2 | 2 | 2 | 6 |
12 | Melkjor | 2 | 2 | 2 | 6 |
13 | Elin | 0 | 0 | 5 | 5 |
14 | Mortan | 2 | 0 | 2 | 4 |
14 | Richard Wenzel | 2 | 2 | 0 | 4 |
