Bocciakapping á Varmakeldustevnu

Aftur í ár verður skipað fyri bocciakapping á Varmakeldustevnu í Fuglafirði. Kappingin verður á torginum við Mentanarhúsið sunnudagin 7. juli kl. 14.30.
Skipanin verður eitt sindur øðrvísi enn í fjør, tí hesaferð fara svanaleikarar at kappast móti kendum fólki úr Fuglafirði og aðrastaðni.
Um veðrið ikki verður til vildar verður spælt innandura, og kunnað verður um hetta í góðari tíð. Vónandi verður tiltakið væl vitjað, og væl ber til at gera ein túr burturúr, tí nógv er á Varmakelduskránni henda sunnudagin.
Myndin: Kappingin á Varmakeldu 2012, sum var í fimleikarhøll skúlans.
Onnur tíðindi